Ջեռուցման կաթսայի ընտրությունից զատ պակաս կարևոր չէ նաև մարտկոցների ճիշտ ընտրությունը:

Ըստ պատրաստված մետաղի՝ դրանք լինում են 3 տեսակի`

• չուգունե
• պողպատե
• այլումինե

Ճիշտ կողմնորոշվելու համար, թե Ձեր բնակարանի դեպքում որն է ավելի արդյունավետ, պարզենք դրանց առավելություններն ու թերությունները:

Չուգունե մարտկոցները ուշ են տաքանում, սակայն բավականին երկար ժամանակ պահպանում են ջերմությունը: Չուգունի կիրառությունը նպատակահարմար է այն տների համար, որոնք ջերմամեկուսացված չեն: Եթե Ձեր բնակարանի պատուհանները հերմետիկ են և կրկնակի ապակեպատ, իսկ պատերը` ջերմամեկուսացված, չուգունե մարտկոցները լավագույն լուծումը չեն:

Պողպատե մարտկոցները լինում են 2 տեսակի.

1. Մեղմ պողպատից պատրաստված մարտկոցները համեմատաբար մատչելի են: Դրանք նաև հարմար են դիզայներական լուծումների համար: Հեշտ են ներկվում ցանկացած գույնի: Սակայն զիջում են դիմացկունությամբ:
2. Չժանգոտվող պողպատից պատրաստված մարտկոցները բարձրորակ են և դիմացկուն, ուժեղ ջերմահաղորդիչ են: Այլումինե ռադիատորների հետ համեմատած ավելի երկար են պահպանում սենյակի ջերմությունը: Դրանք ավելի թանկարժեք են, քան մյուսները:

Այլումինե մարտկոցները, ի տարբերություն չուգունե և պողպատե մարտկոցների, արագ են տաքանում և ամենաուժեղ ջերմահաղորդիչներն են: Բայց, միևնույն ժամանակ, կաթսան անջատելուց հետո շատ արագ սառչում են և տան ջերմաստիճանի փոփոխութունը անմիջապես զգացվում է: Քիչ ծախսատար են, քանի որ արագ են արձագանքում ջերմաստիճանի կարգավորմանը և մյուս ռադիատորների համեմատ քիչ ջուր են պահանջում: Մյուս դրական կողմն այն է, որ ունի գույների և ձևերի լայն ընտրանի:

Հաշվի առնելով նշված առավելություններն ու թերությունները՝ փորձեքընտրել Ձեր բնակարանին ամենահարմար մարտկոցները և օպտիմալացնել ջեռուցման ծախսերը:

Ժամանակի ընթացքում ջեռուցման համակարգի մեջ օդ է կուտակվում: Օդի փոքր քանակությունը մուտք է գործում ջեռուցման համակարգ ամեն անգամ, երբ կաթսայից ջրի թարմ հոսք է մղվում դեպի մարտկոցներ: Օդը կուտակվում է մարտկոցների վերին հատվածում, կանխում այդ հատվածում տաք ջրի հոսքը և նվազեցնում է դրանց ջեռուցման հզորությունը:

Ինչպե՞ս հասկանալ, օդազրկման կարիք կա, թե՞ ոչ:

Միացրեք ջեռուցման համակարգը, սպասեք մարտկոցները տաքանան: Եթե համակարգում օդ է կուտակվել, դրանցից որոշների վերին հատվածը ավելի սառը կլինի ստորին հատվածից: Այնտեղ, որտեղ հայտնաբերեք նման խնդիր, հենց այդտեղ էլ կուտակված է օդը:

Ինչպե՞ս օդազրկել: Քայլ առ քայլ.

1. Համոզվեք որ ջեռուցման համակարգը անջատված է և մարտկոցները ամբողջությամբ սառն են: Միացրած ջեռուցման դեպքում ձեր գործողությունները հակառակ էֆեկտը կարող են ունենալ: Համակարգի մեջ կարող հնարավոր է ավելի շա օդ հավաքվի: Դրանից խուսափելու համար անհրաժեշտ է անջատել և սպասել, որ ջեռուցման համակարգը ամբողջությամբ հովանա:
2. Մարտկոցի բանալիով բացել գլխիկը` պտտելով ժամսլաքի հակառակ ուղղությամբ: Եթե չեք գտնում բանալին, կարող եք օգտագործել հարթ պտուտակահան կամ այլ հարմար գործիք: Կուտակված գազը կսկսի դուրս գալ:
3. Փակել մարտկոցն այն ժամանակ, երբ օդի փոխարեն կսկսի դուրս գալ ջուրը: Նախապես պատրաստեք սրբիչ կան տարա, որպեսզի ջուրը չթափվի գետնին:

Այս գործողությունը անհրաժեշտ է կատարել բոլոր այն մարտկոցների հետ, որոնց մեջ օդ է կուտակվել:

Օդազրկելուց հետո անհրաժեշտ է բարձրացնել ջերմաստիճանը սովորականից մի փոքր ավելի բարձր, որպեսզի վերականգնվի անհրաժեշտ մակարդակի ճնշումը:

Կարևոր է ջեռուցման համակարգը օդազրկել պարբերաբար: Դա թույլ կտա կատարված ջեռուցման ծախսերից հնարավորինս շատ տաքություն ստանալ:

Օդազրկումը հեշտ գործընթաց է, որը ինքնուրույն կարող եք կատարել՝ հետևելով վերը նշված խորհուրդներին:

Ավանադական և կոնդենսացիոն կաթսաներ: Ո՞րն ընտրել:

Այսօր, ունենալով ջեռուցման կաթսա ընտրելու լայն հնարավորություններ, մեզանից շատերը հաճախ բախվում են առավել հարմար և արդյունավետ կաթսա ընտրելու խնդրին:

Ջեռուցման կաթսա ընտրելիս բոլորս առաջնորդվում ենք հետևյալ սկզբունքներով`

• Շատ թանկ չլինի
• Երկար ծառայի
• Քիչ ծախսի

Շուկայում մեր ընտրությունը տատանվելու է ավանդական կաթսաների և կոնդենսացիոն կաթսաների միջև: Ո՞րն է դրանց տարբերությունը:

Երբ ջեռուցման կաթսան բնական գազ է այրում ջուրը տաքացնելու համար, այն արտամղում է CO2 գազ և գոլորշի: Ավանդական կաթսայի դեպքում գոլորշին միանգամից դուրս է մղվում ծխնելույզով: Կոնդենսացիոն կաթսան նախագծված է այնպես, որ կլանում է գոլորշու էներգիան, օգտագործում ջուրը տաքացնելիս և հետո միայն առանձին խողովակով դուրս մղում կաթսայից: Վերջինը կարևոր է անվտանգության տեսանկյունից:

Ինչու՞ ընտրել կոնդենսացիոն կաթսա:

• «Կանաչ» պրոդուկտ է: Բնապահպահպանական տեսակետից կոնդենսացիոն կաթսաները նպատակահարմար են, քանի որ քիչ կարբոն են արտազատում ավանդականի համեմատ:
• Քիչ է ծախսում: Իրենց կառուցվածքի և գոլորշուց էներգիա կլանելու լարցուցիչ ֆունկցիայի շնորհիվ կոնդենսացիոն կաթսաները նույն ջերմությունը հաղորդում են 20% քիչ ծախսերով:
• Էֆեկտիվ է: Կախված բնական գազի կալորիականությունից և ջեռուցման համակարգից՝ կոնդենսացիոն կաթսաները վերականգնում են վատնված էներգիայի 10-11%-ը:

Ինչու՞ ընտրել ավանդական կաթսա:

• Պարզ կառուցվածք: Ավանդական կաթսաները թեթև են, հեշտ տեղափոխելի, քիչ տարածք են զբաղեցնում ի տարբերությունը կոնդենսացիոնների:
• Ցածր գին: Եթե ձեզ անհրաժեշտ է կարճաժամկետ ժամանակահատվածում խոսափել խոշոր ծախսերից, ավանադական կաթսան ավելի հարմար տարբերակ է: Սակայն երկարաժամկետում այն ավելի ծախսատար է:

Այս պահին ավանդական կաթսաները մեր շուկայում ավելի լայն տարածում ունեն: Սակայն կոնդենսացիոն կաթսաները, տեխնոլոգիայի կատարելագործմանը զուգընթաց, առաջատար են դառնում:

Ներկայացնում ենք նաև տեսանյութեր, որոնք կօգնեն վիզուալ պատկերացնել կոնդենսացիոն և ավանդական կաթսաների տարբերությունները:

Ինչպես է աշխատում ավանդական կաթսան`

Ինչպես է աշխատում կոնդենսացիոն կաթսան`

Եղանակային վատ պայմանների արդյունքում երկաթյա դարպասները, Ձեր տան մուտքի դռները, պատշգամբի ճաղավանդակները, ավտոտնակի դռները կամ ցանկապատները շատ հաճախ ժանգոտվում են, գունազրկվում և ժամանակի ընթացքում քայքայվում:

Բոլորիս տանն էլ նման խնդիրներ առաջանում են, որոնք հիմնականում փորձում ենք լուծել ինքնուրույն` ներկ գնելով և վնասված մակերեսը ներկելով: Սա ևս տարբերակ է, բայց կարճ կյանք ունի և այնքան էլ արդյունավետ չէ: Ավելի խելամիտ լուծում է փոշեներկումը:

Ի՞նչ է փոշեներկումը և ինչպե՞ս է այն կատարվում

Փոշեներկումը մետաղի պաշտպանիչ և դեկորատիվ միջոց է: Այն օգտագործվում է ինչպես արդյունաբերական, այնպես էլ կենցաղային նպատակներով: Փոշեներկման համար օգտագործվող փոշին մանր աղացած գունանյութերի և խեժի խառնուրդ է, որը հոսանքին միացած հատուկ սարքերի միջոցով փչում են և երեսպատում երկաթյա մակերեսը: Այնուհետև փոշեներկված մակերեսը տեղադրում են վառարանում` մինչև հարթ մակերևույթի վերածվելը:

Ինչու է այն ավելի նպատակահարմար, քան պարզապես ներկելը:

• Հարթ մակերևույթ` կարճ ժամանակում: Ներկի չորանալու համար օրեր են պահանջվում, այդ ընթացքում փոշու, անձրևի կամ դիպչելու պատճառով մակերեսը հարթ չի մնում: Իսկ փոշեներկման դեպքում այն չորանում է 20 րոպեում:
• Դիմացկուն է: Քայքայման, խազվելու,կոռոզիայի, եղանակային պայմանների և այլ արտաքին գործոնների նկատմամբ անհամեմատ ավելի դիմացկուն է: Ճիշտ խնամքի դեպքում 20 և ավելի տարի կպահպանվի:
• Նվազ ծախսատար է: Ավելի մատչելի է, քան յուղաներկը: Մեկ անգամ փչելիս ավելի ընդգրկուն մակերես է ներկում, իսկ ավել օգտագործված փոշին կարելի է հավաքել և նորից օգտագործել:Բացի այդ, գունային երանգների տեսականին մեծ է, իսկ գույները երկար ժամանակ պահնպանվում են վառ ու պայծառ:
• Անվտանգ է: Ներկը` հատկապես երկաթյա մակերեսի համար նախատեսված, պարունակում է վնասակար լուծիչներ և ծանր մետաղներ, որոնք թունավոր են շրջակա միջավայրի համար: Իսկ ներկերի մեջ պարունակվող ցնդող օրգանական միացությունները վնասակար են առաջին հերթին Ձեզ համար, հատկապես եթե տնային պայմաններում եք ներկում:

Ջեռուցման ծախսերը կրճատելու և ձմռանը ավելի տաք, հարմարավետ բնակարան ունենալու գաղտնիքը ջերմամեկուսացումն է:

Տան ջերմամեկուսացման տարբեր մեթոդներ կան, բայց արտաքին պատերի ջերմամեկուսացումը ամենատարածվածն է, քանի որ այդտեղից ջերմության կորուստը շատ մեծ է:

Ջերմամեկուսիչ նյութերը ունեն համապատասխան ցուցանիշ (R-value), ինչը ցույց է տալիս նյութի ջերմամեկուսացման աստիճանը: R-ը կախված է նյութի տեսակից, խտությունից և հաստությունից: Որքան բարձր է ցուցանիշը, այնքան ավելի արդյունավետ է տվյալ ջերմամեկուսիչը:

Կիրառվում են թե՛ արհեստական(սինթետիկ), և թե՛ բնական նյութերը:

Ջերմամեկուսացման մեջ լայնորեն կիրառվում են քիմիական, սինթետիկ նյութերը.

• Պլաստիկ շերտամեկուսիչ – այն ապակյա մանրաթելերից հյուսված մատրիցա է: Այս թանձր նյութը հաճախ կիրառվում է տանիքների ջերմամեկուսացման ժամանակ:
• Հանքային բուրդ – Ձեզանից շատերը տեսած կլինեն խճճված բրդի նմանվող այս նյութը, որը իրականում ստացվում է պողպատից, բազալտից և այլ անօրգանական հանքային նյութերից:
• Սինթետիկ խեժ – ցածր խտությամբ ռետինե փրփուր է: Այն փչելիս տարածվում է և լցնում պատի բաց տեղերը:

Սրանք լայն կիրառություն ունեն, քանի որ մատչելի են և հեշտ տեղադրվող:

Սինթետիկ նյութերին այլընտրանք են բնական ջերմամեկուսիչները`

• Ոչխարի բուրդ – Որպես ջերմամեկուսիչ օգտագործելու համար անհրաժեշտ է այն մշակել քիմիական նյութերով՝ հրդեհից և միջատներից խուսափելու համար:
• Կտավատ և կանեփ – Սրանք բնական մանրաթելեր են, որոնք գլանակների տեսքով կիրառվում են որպես ջերմամեկուսիչներ: Դրանց մեջ արդեն իսկ պարունակվում է քիմիական աղ, որը կանխում է բորբոսի առաջացումը, և կարտոֆիլի օսլա, որը թույլ է տալիս գլանակի տեսք ստանալ:
• Ցելյուլոզա – Խոսքը գնում է վերամշակվող թղթի մասին: Սա կառուցապատողների նախընտրելի նյութերից է, քանի որ դրանով հեշտ է լցնել պատերի, հատակի, տանիքի բաց կամ փոս ընկած տեղերը: Դրանք լինում են տախտակների, վերմակի, շերտամեկուսիչների տեսքով:
• Փայտյա շերտամեկուսիչներ – Օգտագործվում է անտառային տնտեսության արտադրանքը, որի հետ խառնում են բնական խեժ, որպեսզի հաղորդեն գլորակի կամ տախտակի տեսք:
• Բրնձով լցված տոպրակներ – Նրանց առավելությունը թեթև լինելն է: Հարմար է տեղափոխման համար: Մեկ անգամ տոպրակի մեջ լցնելով՝ պահպանում է իր ձևը և դիմանում մեծ ծանրությանը:

Բնական նյութերը արհեստականների համեմատ առավելություններ ունեն: Դրանք օրգանական նյութերից են պատրաստված, կարող են փոխարինվել, վերամշակվել, կրկին օգտագործվել: Ալերգիկ ու թունավոր չեն, տեղադրելուց բարդություններ չեն առաջացնում, թույլ են տալիս, որ բնակարանը «շնչի»: Սակայն դրանք մոտ 4 անգամ ավելի թանկ են սինթետիկ նյութերից:

Մոսկվայի սրտում գտնվող Կրեմլի պալատը Կարմիր հրապարակի ամենաերիտասարդ շինությունն է: 2011թ. նշվել է կառուցման 50-ամյակը: Նախկինում այն ծառայել է որպես քաղաքական քննարկումների վայր: Այսօր այն ծառայում է համերգների և այլ մշակութային միջոցառումների համար:

Եթե ձեզ բախտ է վիճակվել լինել Կրեմլի պալատում ապա դրա մեծությամբ անկասկած տպավորված կլինեք: Եթե ոչ` բավական է նշել, որ Կրեմլի պալատը ունի 800 սենյակներ և 6000 հանդիսատեսի համար նախատեսված համերգասրահ: Տարեկան այստեղ կազմակերպվում է շուրջ 300 միջոցառում:

Ռուսաստանյան ցրտի պայմաններում անչափ կարևոր է ապահովել պալատի ստաբիլ ջեռուցումը: Սակայն ինչպե՞ս ջեռուցել այնպիսի հսկայական շինություն, ինչպիսին Կրեմլի պալատն է: Խնդիրն իհարկե հեշտ լուծելի չէ:

Կրեմլում այս բարդ գործը վստահել են գերմանական Wolf  ընկերությանը: Wolf-ը խնդիրը լուծել է գերժամանակակից ջեռուցման համակարգի շնորհիվ:

Ինչպե՞ս է աշխատում այն:

Պալատում տեղադրվել են տարբեր հզորություն ունեցող 92 օդափոխիչներ, որոնց աշխատանքը կարգավորվում է 4 կենտրոններից: Ողջ համակարգի մաս են կազմում նաև հովացուցիչ, օդակլանիչ և ջրատաքացման սարքերը: Wolf համակարգը 1 ժամվա ընթացքում տեղափոխում է 1,6 մլն խոր մ ծավալի օդ, այն դեպքում երբ “Կրեմլի պալատ” շինությունը պարունակում է 250 հազ. խոր մ օդ: Հետևաբար կառույցի ներսում հնացած օդը 1 ժամվա ընթաքում 6 անգամ փոխվում է:

Կրեմլից բացի, Wolf-ին է վստահվել նաև Բավարիայի Ալյանս Արենա համալիրը Գերմանիայում, ԵվրոՊլազա բիզնես կենտրոնը Վիեննայում, խոշոր համալսարաններ ու դպրոցներ և այլն:

Wolf-ը ներկայացնում է թե՛ սովորական և թե՛ կոնդեսացիոն կաթսաներ, ինչպես նաև՝ օդափոխության համակարգեր և արևային ջրատաքացուցիչներ:

Բոլորս գիտենք, որ ջեռուցման համակարգերը ամենևին էլ էժան չեն: Իհարկե, դրանք անհրաժեշտություն են, և ծախսը արդարացված է, եթե համակարգը ծառայում է երկար ժամանակ: Սակայն երբեմն, մեր անփութության պատճառով դրանք շատ արագ շարքից դուրս են գալիս: Ստորև ներկայացնում ենք 4 տարածված սխալ, որոնք կրճատում են ջեռուցման համակարգի կյանքը:

1.Հին ֆիլտրեր

Ջեռուցման համակարգերը ունեն ֆիլտրեր, որոնք մաքրում են համակարգ մտնող ջուրը: Դրանք անհրաժեշտ է ժամանակ առ ժամանակ փոխել: Ցանկալի է ֆիլտրը փոխել տարին մեկ անգամ, քանի որ ժամանակի ընթացքում այն մաշվում է և կորցնում արդյունավետությունը:

Ֆիլտրը փոխելուց հետո անհրաժեշտ է պարբերաբար (ամիսը 1 անգամ) հանել և մաքրել այն, քանի որ կեղտոտ ֆիլտրը հանգեցնում է գերտաքացման, լրացուցիչ ճնշում է ստեղծում սարքի համար և ավելացնում էներգիայի ծախսը մինչև 15%-ով:

2. Ակնթարթային տաքացում

Բացակայությունից հետո տուն վերադառնալիս՝ համակարգիչը միացնելուց հետո, փորձում եք արագ տաքացնել բնակարանը, այնպես չէ՞: Խոստովանեք, արագ տաքանալու հույսով ջերմաստիճանը սովորականից ավելի բարձր եք դնում՝ հետո իջեցնելու մտադրությամբ;
Իրականում ջեռուցման կաթսան սովորականից բարձր ջերմաստիճանի վրա միացնելով` չեք արագացնում բնակարանի ջեռուցումը: Ջեռուցման կաթսան տաքացնում է նույն տեմպով: Օրինակ՝ եթե սովորաբար կաթսայի ջերմաստիճանը դնում եք 40 աստիճանի վրա և դրան հասնում եք պայմանական 30 րոպեում, ապա 80 աստիճանի վրա դնելու դեպքում 40 աստիճանին կհասնեք ոչ թե 15 րոպեում, այլ նույն 30 րոպեում: Պարզապես, 40-ին հասնելուց հետո կաթսան ոչ թե դադար կտա (ինչպես սովորաբար), այլ կշարունակի տաքանալ, մինչև հասնի 80 աստիճանին:

Այսպիսով՝ Դուք կծախսեք հավելյալ էներգիա, և Ձեր տան ջեռուցման համակարգը կենթարկեք լրացուցիչ ծանրաբեռնվածության:

3.Հաճախ փոխել կարգավորումները

Պատկերացրեք՝ օրվա երկրորդ կեսին շատ կարևոր հանդիպում ունեք, և առաջին կեսի ընթացքում Ձեզ մի քանի անգամ զանգահարում են և փոխում հանդիպման ժամը: Դա դժվար թե Ձեզ դուր գա:

Գրեթե նույն իրավիճակում է հայտնվում ջեռուցման համակարգը, երբ Դուք օրվա ընթացքում մի քանի անգամ բարձրացնում կամ իջեցնում եք ջերմաստիճանը: Փոխեք կարգավորումները ոչ հաճախ, քան 8 ժամը մեկ:

4. «Թույլ միացրած թողնենք՝ տունը չսառչի»:

Շատերի մոտ թյուր կարծիք կա, թե ջեռուցման կաթսան ցածր ջերմաստիճանի վրա միացրած թողնելու դեպքում տունը ամբողջությամբ չի սառչի, և այն կրկին տաքացնելը ավելի հեշտ կլինի: Իրականում դատարկ տունը ջեռուցելը գումարի անիմաստ վատնում է:

Եթե պատրաստվում եք մի քանի ժամով կամ օրով բացակայել տնից, անջատեք ջեռուցման կաթսան: Այդպիսով միաժամանակ կխուսափեք ավելորդ ծախսից և կխնայեք ջեռուցման համակարգը:

Այս պարզ սխալներից խուսափելու դեպքում կխնայեք գումար և կերկարացնեք ջեռուցման համակարգի կյանքը: Այսինքն՝ կխնայեք շատ գումար 🙂