Ինչպես օդափոխել տունը առանց տաքության կորստի
Ձմռան ամիսներին մենք բոլորս օրվա մեծ մասն անց ենք կացնում բնակարանում կամ աշխատավայրում: Շատ հաճախ չենք նկատում, որ սենյակը օդափոխության կարիք ունի կամ նկատում ենք, բայց չենք ուզում օդափոխել, որ դրսի սառը օդը չներթափանցի:
Այս խնդիրը հեշտ լուծելի է, եթե ձեր բնակարանում կամ աշխատավայրում տեղադված է մեխանիկական օդափոխիչ:
Հասկանանք, թե ինչու է կարևոր մեխանիկական օդափոխումը.
- Օդափոխիչը նվազեցնում է կոնդենսացիան: Երբ տան օդը չափից շատ է խտանում, տեղի է ունենում գոլորշու կոնդենսացում, այսինքն գոլորշին խտանում և վեր է ածվում ջրի կաթիլների, որը մենք տեսնում ենք մեր պատուհանների վրա: Չափից շատ խոնավությունը կարող է փչացնել սենյակի պաստառները, տան հատակը և նույնիսկ կահույքը:Օդափոխիչը կարգավորում է սենյակի խոնավության մակարդակը:
- Oդափոխիչը նվազեցնում է Ռադոն գազը: Այն անհոտ և անգույն գազ է, որը սակայն Առողջապահության համաշխարհային կազմակերպության հավաստմամբ քաղցկեղածին է: Այն տները, որոնք մոտ են հանքավայրերին, քարանձավերին կամ ջրի մաքրման կառույցներին, առավել խոցելի են: Ուստի ավելի մեծ ուշադրություն պետք է դարձնեն մեխանիկական օդափոխությանը:
- Օդափոխիչը նվազեցնում է ցնդող օրգանական միացությունների խտությունը: Կենցաղային քիմիայից և կահույքից ցնդող օրգանական միացություններ են արտանետվում: Եթե տան օդը շատ խիտ է, ապա դրանք կարող են վտանգավոր լինել: Մեխանիկական օդափոխիչը կհոգա թունավոր նյութերը կլանելու և դրանց խտությունը տանը նվազեցնելու համար:
- Օդափոխիչը կլանում է ալերգենները: Փոշին և այլ գրգռիչ ալերգեններ հավաքվում են տանը, երբ պատշաճ կերպով այն չի օդափոխվում: Օդափոխիչը կլանում է դրանց խոշոր մասնիկները և առողջ միջավայր ապահովում տանը:
Այսպիսով` մեխանիկական օդափոխիչ օգտագործելը ջերմության կորուստ չէ և ոչ էլ ավելորդ հոսանքի ծախս: Այն կլանում է հնացած օդը, փոխարինում դրսի թարմ օդով: